الشاعر واثـــــق العيساوي

بسم الله الرحمن الرحيم
اللهم صلي على محمد وآل محمد
سلام من الله عليكم جميع رواد منتدى الشعر والادب
اليكم قصيدة في غاية الروعة لأحد شعرائنا المبدعين والمتالقين والنجم اللامع في سماء الشعر الشعبي وصاحب القلم الولائي ...

من روائع الشاعر المتالق واثــــــق العيساوي






*(سيد الكلمات)*



احس صوتك اذان يصحي الولايات
وبكل بيت رايه ترف على سطوحه
الشعرواكف امام وصلّه بالكلــمات
الشعرصولة مجاهد لو نزل سوحـه!
سمه حبك جبيرة,منين الي جناحات
شاعر والشعرجنحانه مـــــــجروحه
احـــــبك,فطرة بيه ولذّة حجايـــات
مثل فلاح يشتل غيرته بلـــــــــوحه
ليلك غطه دافي,يدّفي الولايــــــات
ونجم حبك سطع وجفوفي متلوحــه
مثل كطر الندى لوبلل الـــــوردات
وعشك عين الطفل لوشاف مرجوحـه
صداقه ابين دمعي وضفّة الوجنات
وتبوس جروح كلبي شفاف الملوحه
اسميك المــــــحبه ابين ذات وذات
اسميك الفراك ودمعته ونــــــــــوحـه
اسميك المجّرة,وعندي بيهه اثبات
شفت جسمك كواكب تنزف جروحــه
اسميك بعلي,واشجع ﮔلب من بات
بفراش الرســــــــول وجاهد بروحـه
اسميك الحمامه وعشهه بالكلفـات
تسقط الاقنعه من وجوه مفضوحــــه
اسميك الصكربجـــناحه والخزرات
من طاري الجبان ينظـــــف الدوحـه
صحيح السيف حزّك,بس منوّالمات؟
سيف الذابحك بالـــــطف ذبح روحه
وصحيح بيوم عاشر وكفت الساعات
لكن صار طفــــــــّك اعظم اطروحه
على جفني من اذكرك تزعل الدمعات
ويهيم عليك كلبي وتضحك جروحه

احس اسمك جبل متعلي بالنـــجمات
اذا تعبت النجمه تنام بسفوحــــــه
زرعنه دموعنه وطكن الك رايات
مثل صف الرماح بارض مفتوحه
يضوكن من تعدة حدودك الطعنات
واذا يرجع يزيد يهدن صروحـــــه
الك كلمه عشك( ياسيد الكلمات)
(النعم)كلمه ولاء وليك ممنوحـــه
كتبوهه على غيرك مابقت هيهات
ينحتوهه بصخر يلكوهه ممسوحه!


الشاعر واثـــــق العيساوي





شكر خاص وتقدير مع باقة ورد للشاعر المتالق الذي كتب هذه القصيدة الرائعة بقلمه المبدع مع ارق التحايا والامنيات و صالح الدعوات لشخصه الكريم