الى كل عزيز وينوي السفر مهدات

((لاتســـــــــــــــافر))

لاتسافر ...روحي عگبك
طير مايگدر يطير
أبلاية عش أبلاية ريش
ابيوم ماطر
ولاتخاطر .. عمري فات
وبعد مايحمل مخاطر
أو ودع اسنينه
أو وصل لاخر محطات الصبر
وانترس كراس صبري
وبعد ما تحوي الدفاتر
لاتسافر ....
كلشي عگبك ليل اظلم ....
وحش كاسر
گلب ميت أبد مايحمل مشاعر
الدنيا عگبك شبه طيف
الدنيا غيمة أبيوم ....
صيف
ديم لاتزرع عليها
يموت زرعك تصفه خاسر
وآه من عمري الجزة
ومن يوم باچر
وآه ياگلبي شكثر
يكسر الخاطر
العمر حزورة أليحلها يكون شاطر
لاتسافر أنت نسمة
وأنت بسمة...أنت بس أنت حبيبي
البيك لزمة
وأسمي بعدك ينسى رسمة
وينسى حتى حروف اسمه
ولاتسافر عمري چلمة بمهرجان
وأنت عمي لسان شاعر
لاتخاطر روحي بغيابك عليلة
الدنيا عگبك مستحيلة
اللحظة من بعدك احسهه
اسنين چنها أشگد طويلة
أبلاية أخر
أني انت وانت اني
يعني اني بغير شخصك
ماني أني
وأني من بعدك اتاني
أبلا امان أبلا أماني
ودمعي مزنة وجفني تاجر
يبيع دمعي ابلاية ذمة
ابلاية رحمة
والله زحمة
ابلا وداع بلاية چلمة
تروح تتركني وتسافر
وگلبي بعدك تعب وضعة
طفل مفطوم ويوّن
محتاج رضعة
والك ناطر
جفن يبچي بدمع ماطر
يبچي حاير
وحيلة ماعندي ألاجيك
وصافن بوجه الدموع
التجري كت من العيون
نهر صارت فاض ثاير
والجرف مجنون صاير
شايل بأيده فرحتي
وبيد يستل الخناجر
بعقل طفل..... وراي قاصر
وگام يتهدد عليه
وگطع حبال الگناطر
لاتسافر وانت تدري الفرگة وحشة
وتدري انت الحزن كافر
وأني ايماني ضعيف
وخاف أرتد بغيابك وارد كافر
خاف أرتد بغيابك وارد كافر

بقلم
حاتم الهاشمي

مشكور عمري

شكرا على المروووووووووووور