كلت اصوغ احروفك بماي الذهب
كلي ادم ما تكلي اعله السبــــــب
ما دريت اشجره بالطف اشعجب
كتله ضحه بنحره والجسم انسلب
وجه سابح بالدمه وشيبه انخضب
شبت اخيامه بني ميه بلهـــــــــب
راسه فوك السمهري من انصب
عيسه بن مريم لون مثله انحجب
لا وحك رب الرفع عيسه كذب
رتل القران والكون انكلــــــــــب
احمرت اطباق السمه مطرت غضب
كل نبي لجله حزن لجله انتحب
زلزل الاطواد والعرش اضطرب
القلم والميزان واللوح انجذب
هذا مصحف ربنه عالرمح انصلب
هذا مصحف ربنة عالرمح انصلب
Zaeed_gr
غابت عالناس انوارك...عجل يالمهدي بثارك
جم ايه انزل ربنه البني اسرائيل
حته التورات ايصرح و يه الانجيل
تسع ايات اتوضحن بالتنز يـــــل
كلم كليمه وانزل بيهم تاو يــــل
وبصحف موسى اسرارك..عجل يالمهدي بثارك
&&&&&&&
انقذهم موسى من فرعون وظلمه
بين التوحيد الهم بين علمــــــــه
لكن طغوا واستكبروا عن حكمــه
عبدوا وثن وانحرفت ذيج الامـــــه
وضح للكون ادوارك..عجل يالمهدي بثارك
&&&&&&&
لمـــــن مضه للطور وارض الميعاد
خلف هارون اعليهم نقضوا لاوغـاد
واتبعوا ذاك السامـــــــري الاجداد
وهاليوم اشكد راونه جور الاحفاد
انسمعهم عن اخبارك.. عجل يالمهدي بثارك
&&&&&&&&
مثل ما رب العرش من عاقبهـــــم
اربع عقود من الزمن تيهـــــــــــم
سيناء شهدت بيه من عذبهـــــم
لن عاود اكبر من كبل علوهـــــم
كوم اكشف كل اثارك...عجل يالمهدي بثارك
&&&&&&&
عاثوا فساد وظلم ما مثله انشوف
نهج الظلاله بكل قطر صار ايطوف
هذا العصر بالفتن اصبح موصوف
جم مسلم دمه ينهدر عالمكشوف
يمته تتلاهب نارك.. عجل يالمهدي بثارك
&&&&&&&
يالغايـــــــــب ما تظهر اتوضح امــرك
عجبنــــــــــي قوة حلمك قوة صبرك
عيني اعله دربك شابحه تنتظـــــرك
كل شيعي واهب عمره لاجل عمرك
نار جهنم بتارك..عجل يالمهدي بثارك
&&&&&&&
جرد بتارك واغضب مثل حيــــــدر
جدد حرب خندق لحزاب وخيبــــــر
من كل ناصبي ومجرم لابد تثــــار
واصلب بني صهيون وامحــــق للشر
طفي جمر دلالك...عجل يالمهدي بثارك
&&&&&&&&
لا تنسه ثار حسين ثارالعطشــــــان
راسه اعله الرمح والجسد عالتربـان
حركوا اطنابه وسحكوا صدره العدوان
شنهو اليهيجك اكثر من هالاحــــزان
تنتظرك كل انصارك... عجل يالمهدي بثارك
&&&&&&& Zaeed_gr
مـــغرم بيك امصابك حيــــرني
ابيش ارثيك حبك جننـــــــــي
نحرك مرسوم بوجدانــــــــــي
كل لحظه ايجدد احزانــــــــي
حبك جننـــي
@@@@
كل لوحات العالم سحرت بني الانســــــان
قصص عن ازمنه مرت وعن اخر الازمــــــان
اساطير الحرب رسمت ايادي اتحير الوجدان
بس كلي بشنو نفعت حتى تجذب الاذهـــــان
نغمة بتهوفن تزعجــــــــني
ومن شكسبير اشراح اجنـــــي
حبك جننــــي
@@@@
وحك اللي خاق ادم وحك اللي خلق حــــوه
الك يالسامع احجيلك واريد اشويه تتـروه
لا تسمع غنه واسمع صدى القران واشســـوه
اله تخشع جبال الكون من هل الوحي وتهوه
ثقف فكرك تقوه وخوف
عن احسين ادرس شـوف
حبك جننـــــي
@@@@
هومر عبقري ورسام يبيع الواحه بالاموال
واكف عالبحر يرسم مهزله تضيع الاجيــال
واقمار انعرض بيه توافه تقصر الاجـــال
واجيت الليله اعرضلك صور عن كعبةالامال
اعرض لوحة راس احســــــين
ضحه بدمه لاجل الديـــــــن
حبك جننـــــي
@@@@
تاملتك يراس حسين مثل غيمه بسماء اللوح
مثل شلال نزف دمك مخضب مرتمي ومذبــــوح
نقط كل سمه نحرك ومنه عبير يفـــــــوح
طايح عالثرى يجري مثل جمره ابحور النوح
اجبينه اتصوب ينزف دمه
فوك الرمح رفعوا رسمــه
حبك جننــــي
@@@@
ارض نينوا جانت بقعه من ثره الفــردوس
لاجله الباري نزله لون جسمه عليه ايدوس
كبره ينحفر بيه مثل كوكب صبح مغـــروس
ملايين اعتنت يمك اجتك تفتدي لنفــــوس
من كل كتر هالشبان
لبست سواد واكفـان
حبك جننـــي
@@@@
هاذي زوارك اجتي تبايع المهدي وتزورك
ما تهاب الموت تمشي اخذت من شذى نورك
منك اتعلمت تضحي بالدمه وتفدي بـدورك
كله طلاب الشهاده نزلت اتغوص بـــحورك
اتضحي بدمه وما تهتــــم
كل ارهابي اتجرعه الســم
حبك جننـــــي
@@@@ Zaeed_gr
من مثلك بالكون تخلد....يا حسين
وعصور تمضي وتجدد....يا حسين
فلك يدور
مع الدهور
يشع نور
الحســـــــــــــــــــــــين
&&&
من كبل جدك محمد ومثله حيدر لن يشارك
خاضوا اثمانين غزوه واعتنوا سوح المعارك
ثبتوا اشرف عقيده شافوا اخطار ومهالك
موقف الاباء نثمنه بالبصاير والمدارك
وانته ذيج الفتره حاضر متابع الادوار سالك
واعلنت ساعة نهوضك دافعت عن المناسك
تمشي للموت بشجاعه واعتلت صدرك سنابك
ثبتت فرض الجهاد وربك بدمك يبارك
في الطف دمائك ذا سالت....يا حسين
والخيل على جسمك جالت....يا حسين
ياتي الصدى
من نينوى
رفع اللوى
الحســـــــــــــــــــــــين
&&&
عالمك يحسين جذبني عالم اسرار وعجايب
كومك واهلك خذتهم متجه صوب الحرايب
ثله ما واحد مثلهم ثبتوا اكبال الكتايب
رايد اتوضح مسارك بالصمود وبالمراتب
واعتله صوتك يدوي ما تهاب من العواقب
دون التاريخ اسمك وابتده يصوغ المناقب
سطرت بيه الملاحم ثوره مليانه غرايب
وحدك اكبال الالوف ثاير وللحك تطالب
من هد قلاع الطغيان....يا حسين
من ذا يخترق الازمان....يا حسين
سر دفين
طي السنين
في كل حين
الحســــــــــــــــــــــــين
&&&
ضحت انصارك واخوتك كلمن بدمه تعفـــــــر
موهنت عللي جرالك الاكبر اكبالك توذر
عالثرى العباس طايح مكطعه اجفوفه وتكنطر
وانذبح عبد الله بيدك من وريده الدم تكطر
وحدك اتصارع ظلمهم والجيوش اعليك تكثر
عن ظهر مهرك هويت منك الايات تظهر
خولي للمصرع اجالك يرتجف سيفه وتقهقر
وامتله صدرك سهام ومنك الفرسان تحذر
كالطود شموخ لن يكسر....يا حسين
وحدك تهزم ذاك العسكر....يا حسين
يعلو النداء
درب الفداء
صرح الاباء
الحســــــــــــــــــــــــين
&&&
مرت اسنين وقرون عن زمانك ابتعدنه
اندثرت اثار ال اميه ولنه باقي معتقدنه
اشكد بني العباس ظلموا اشكد طغات اللي تضدنه
زمرة التكفير غزونه وباسم الارهاب انذبحنه
رادوا ايهدمون كبرك وينمحي اسمك واسمنه
وهذا طغيان اليهود مخيم وكصده يذلنه
لكن بعزمك نقاوم ما نهاب اللي ظلمنه
بدمك احييت الشريعه الهل سبب ليك انجذبنه
من وهج درب الاحرار.... يا حسين
يومك يبقى كالاعصار....يا حسين
نحر خضيب
جسم سليب
وذا عجيب
الحســــــــــــــــــــــــينZaeed_gr
يالقاسم يالقاسم لا تنسه اتودع امك
@@@@@@@
بالخيمه ظلت تنعاك امك مجموره الفركاك
يبن الحسن تترجاك انهض دافع عن عمــك
@@@@@@@
هاك انظر يمه الحالي لا لتخيب امـــالي
ردتك ذخر لاهوالــــي لا تبخل يمه بدمك
@@@@@@@
انا الحسن وصانـــي انطيته العهدوانطاني
يبني الاجل وافانــي ودعت عهدي يــــــمك
@@@@@@@
عمك لو طاح بشـــده واحتوشوا اهل الرده
بيهم زلزله البيده والاجله ضحي برســمك
@@@@@@@
القاسم ودع امه وراح واستقبل بيض الصفاح
زفوك بالاف ارمــــاح ولهفانه اسهام الجسمك
@@@@@@@
طب الحومه وما يهتم انا ابن الحسن يا عم
ابذل روحي وابذل دم وعمري هديه العـمرك
@@@@@@@
شاف القاسم عمه غريب اينادي بوسط الحومه عجيب
هل من ناصر من مجيب كله لكشف عن هـــمك
@@@@@@@
دنك يشد النعلــــه هالموقف منه انسجله
ومنه العسكر متوجله باروع مثال انوسمك
@@@@@@@
رغم الجيوش الجايه الذبح السبط عنايه
ظل ايدافع عالثايه خله محتاره بعزمك
@@@@@@@
هذا الشجاع المقدام ضحه من اجل الاسلام
شمعه تزهي ويه الايام ولليوم انادي باسمك
@@@@@@@Zaeed_gr
ياعين جودي بالبكاء لا تنامي
يا عين جودي بالبكاء لاتنامي إن المفرى بالفلا ذاك إمامي
قد مات مقتولا ومظلوما وضامي لقد سقته القوم رشقا بالسهام
مولاي .. مولاي .. لله شكواي مولاي .. مولاي .. لله شكواي
*********
لهفي إمام المسلمين اليوم مجروح**** وطفله في حضنه كالطير مذبوح
و أمه تبكي تطيـــل النـعي والنـــــوح**** آه وليدي قد مضى والدم مسفوح
مولاي.. مولاي ..لله شكــــواي**** مولاي.. مولاي.. لله شكواي
*********
حزني عليك يا إمــــــــــامي بالهجيــــري**** صحت هناك شيعتي هل من نصير ي
لاقيت أعداء الهدى دون مجيري**** دمائك الحمراء سرٌ في ضميري
مولاي.. مولاي ..لله شكــــواي**** مولاي.. مولاي.. لله شكواي
*********
ويل لقومٌ قتلوا خير البـــــــــــــــــــــرايا**** وفي سياط الظلم قد ساقوا السبايا
لهفي على آل الرسول من ضحايــا**** راحوا ثلاثاً في ثرى الطف عرايا
مولاي.. مولاي ..لله شكــــواي**** مولاي.. مولاي.. لله شكواي
*********
يا ليت نعشا للولي بين ضلــــوعي**** يا ليتهم قد أرشقوا القبر دموعي
يا ليت قلبي كفن يبدي خضوعي**** أخذ فؤاد لم يذق طعم الهجوعي
مولاي.. مــولاي ..لله شكــــواي**** مولاي.. مولاي.. لله شكواي
*********zaeed_gr
