هوسات لأبي الفضل العباس (ع) مع هوسات عامة

مشرف عدد المساهمات : 87 تاريخ التسجيل : 11/10/2009

هوسات لأبي الفضل العباس (ع) مع هوسات عامة

يعباس الضمه فــت ﭼبدتــــــي وحشاي
وهاي اعيال اخوك اتصيح ويـــن الماي
انموت من العطش ياخويه شنهي الراي
لجودك خويه الجودك
.....هاي اعيالك تنطر ياعباس
لجودك خويه الجودك
-----------------------
العطش ماينحمل ياخويه بالمرّه
واعيالك تجـور ابألم وبحســـره
اوهاي اﭼبودها تلتهب ﭼالجمره
ابرايك شنهي ابرايك
....تـﮔـعد يولا اتجيب الماي
ابرايك شنهي ابرايك
------------------------
انتهض يرعد ابو فاضل سـليل الزود
ســــــل امهنّده اوزم رايتــــه والجود
لجيب الماي عنوه اعله العده وبـﭼـود
جاب الماي ابزوده
...... الوالي اوروّه اعيال حسين
............................
احنـــه اولاد حيـــدر داحــــي البيبان
مــوش اولاد نعثل وابن ابــــو سفيان
ابوجه الضيم من نزعل نطﮒ بركان
غيضه النار التحرﮒ
......اشحدّه اليوﮔـف ضدها ويتحداه
...........................
نار احنه ونصب اعله اليعادينه
اوما نقبل ابغير حســين حادينه
وعن حبّه اوخدمتـه ياهو يثنينه
وحب حسين الجنّه
....... الحاقد خلَّه ابغيضه يموت
............................
تعلمنـــه ألإبه واللا مـــن حسين
وعلى نهجه نسير وبيه متمسكين
عاهدناه واحنه اعله العهد ماشين
حسين يظل الرايه
.... اوتخفـﮒ دوم اعله الكونين
..............................
ﭼلمتنه الحسين اوصوتنه اليدوي
ما تســــمع صداها ابعالم العلوي
والصم ابسمعها خـل تظل تعوي
حسين ايظل الصرخه
....... اوسيف امسلط عالطاغين
...........................
تحدينـــه الطغاة اوبعد نتحدّه
الياهو الراد ويريد اتعبث يدّه
موسهلين احنـه ابساعة الشدّه
خلّه ايجرب حظّه
اشلون ايمر ابحدنه اويوصل ليه
..........................

صوّل ألعباس ترعب صولــته
فرّت الفرســان لمّن شـــــافتـه
هذا ابو الحسنين هوّ اوشمرته
يو شبله الصوّل عالحومه
-----------------------
حي ابو فاضل على الحومـه هجم
عرفته الفرســان وبـــسيفه العدم
أعله الشراده أتناخت الشارد سلم
جن ملك الموت ابّتّاره

النــهر غيره وانتخه ابعـــباس
يضرغام المعاره اتشوف هالأرجاس
إلك وحــدك يبن حــيدر يتاج الراس
أمولم والله أمولم
----------- خذني الزينب والأطفال

تعنّه العلـﮔمي والماي مـﮔصــــــوده
سحـﮒ صدر النهر وتفايض ابجوده
هذا ابن الفته الصولاته مشـــــهوده
وتشهدله الضفتين او مايه

__________________

رايات الشــــــــرف والعز ..... ياهو اللي يـﮕول اتطـيــح
تِــــرِف اعله القمم للدوم ..... تتحدّه العصف والريــــــــح
اورايـــة شبل ابو الحملات ..... تِرِف ابكل فضه وتصيـــح

من حيدر مذخوره الشبله
----------------------------
هله ابعباس سبع الكنطره او زوده
وفنّه أللي يتحدّه ويوصل احدوده
وتتراجف غدت من نسل الحيوده
هــــــــا هـــــــــــــــا
وينه العايف روحه .. يوكف ضدّه اويتحدّاه
---------------------------------

يزود الزود حيدر حاضــر الشدّات
هلـه والنعم من ﭼفّك يبو الحملات
حمانه اتظل يبو الحسنين بالكلفات
ننخاك اوتســـــمع نخوانـــــــــــه
----------------------------------------------

الله يحفضك يا شاعرنه المبدع
السيد هادي الحمامي والعم العزيز
انشاء الله

انشاء الله الموفقية

وفقك الله سيدنا

موفقك ومشكوووووووووووووووووووووووووووووور على الهوسات الحلوووووووه

موفق ومشكوووووووووووووووووووووووووووووور على الهوسات الحلوووووووه

مشكور سيدنا العزيز وفقك الله

بارك الله فيك سيدنا

موفق ياشاعرنه وعمنا العزيز موفق عالهوسلت الحلوه

مع خالص تحياتي الرادود
احمد القريشي

» هوسات باسمية
» هوسات الفتلاوي
» حديث مؤثر بين قمر العشيرة ابو الفضل والعقيلة زينب (عليهما السلام )
» بطل كربلاء العباس ابن علي (عليهما السلام )
» يوم العباس (عليــ السلام ــه ) اركان الربيعي