أستنادا لأحكام الشرع و الدين

استناداً لأحكام الشرع والدين
من قانون دين المصطفى ألأمجد
صدرنا بيان نذيعه عالناس
وقررنا بصراحة نوضح المشهد
محمد نزل مصلح ما نزل للجاه
ونزل ينقذ قريش بقل هو الله أحد
ورغم كبر الخطر ما عاف دين الله
سكن يثرب لفترة ورد عليهم رد
من شاف الفساد يطوف حول البيت
وأبو سفيان أمامه ويحرم بأسود
كال شلون أعوف الكعبة وأبقى بعيد
طبك حيدر وحمزة وهد عليهم هد
بس كلي الطلع من النجف لإيران
وبدل ما يجي يصلح هدم وفند
العاف أهل العراق وطلع من صدام
صح معذور لكن ليش يتمجد
اليتمجد صدك كون بزمن صدام
ثابت بالنجف ما خاف من أحد
وبزمن صدام منهو العايش الناس
من طاح الصدر بالكوفة واستشهد
ومنو اللم شملنه بمسجد الرأس
ورغم حزب البعث ما جان يتلبد
فرق بين الطلع وكت العسر للناس
ياخذ أسئلتهم ثم ينطي الرد
وبين الكال شلي بدوخة الراس
خل أكعد أبيتي أصلي وأتعبد
أنا بعازة الكطرة وبالنجف شلال
ويكلولي أشرب ماي من مشهد
شلي بماي راكد صار حفنه سنين
ما يدري الشعب ذبلان لو ورد
إذا باية بقت من سلم التخليد
بس محمد اليعقوبي يتخلد
لأن شفناك وكت الضيج يا مولاي
من جنه على بابك دوم نتردد
رادوني أذمك وأمدح العاداك
الجانوا يهتفون شوكت نتوحد
رفضته وهددتهم بالشعر مولاي
لان يدرون قلمي شلون من يشتد
يبزوني بحجيهم لان امدحك دوم
وأذكرك بالمجالس دوم واتقصد
كالولي القيادة تصير للأبناء
كلت أسأل شعب إيران وأتأكد
إذا السيد الخميني يكول للأبناء
جان إيران كلها انحازت لأحمد
بس الشعب دومه يدور الإصلاح
والإصلاحي انته يلصحت شكد
أقر باجتهادك والصدر مو كال
أني باجتهادك لو بقيت أشهد
لن واحد سألني وأجاني يتنشد
بعد محمد الصادق هم طلع أحد
كتله الحوزة من اتأسست لليوم
كلما نفقد محمد يطلع محمد

مما أعجبني للشاعر : مرتضى الذهيباوي :

مشكورين على الموضوع الجميل وبارك الله بيكم